Ժամանակահատված- հունվարի 25-ից 30-ը
Մեկ շաբաթվա ընթացքում նկարահանում եք:
Թումանյանական շաբաթ
ԱՄՊՆ ՈՒ ՍԱՐԸ
Ամպը եկավ նստեց սարին,
Նստեց սարի սուր կատարին։
— Լըսի՛, պապի՛, ասավ նրան,
Լավ օրերըդ անցան, կորան.
Խիստ սոսկալի ցուրտ է գալի։
Ասավ, գնաց։ Սարը կամաց
Մտավ սիպտակ վերմակի տակ։
ԿՌՈՒՆԿՆԵՐ
Կը՜ռ կը՛ռ, կըռկըռան.
Կռունկները հա՛ թռան.
Կռունկների թևի տակ
Եկավ գարուն մեր դռան։
ՓԻՍՈՆ
Փիսոն, փիսոն մլավան,
Թավրիզ թողեց, փախան Վան,
Լեզուն թաթխան, երկար պոչ,
Ինչ որ ուզեց, ասին` ոչ:
Փիսոն գնաց գողեգող,
Փորը` դատարկ, սիրտը` դող:
Դունչը մեկնեց կովկիթին,
Շերեփն իջավ ճակատին:
ՇՈՒՆԸ
Հաֆ-հա՛ֆ, հաֆ-հա՛ֆ,
Ահա այսպես հաչում եմ ես,
Հաֆ-հա՛ֆ, հաֆ-հա՛ֆ.
Ու տունն այսպես պահում եմ ես։
Թե գա մեզ մոտ մի հին ծանոթ,
Մոտն եմ վազում, պոչըս շարժում։
Բայց թե մի գող, չար կամեցող
Ուզի թաքուն մտնի մեր տուն,―
Հաֆ-հա՛ֆ, հաֆ-հա՛ֆ,
Ահա այսպես հաչում եմ ես.
Հաֆ-հա՛ֆ, հաֆ-հա՛ֆ,
Ու տունն այպես պահում եմ ես։
Շարունակում ենք մարզական և բնագիտական գործունեությունը:
Մարզական -(ինչպես է խաղում, սեղանի տակ մտնում, աթոռներով, գնդակով խաղում, հեծանիվ վարում և այլն), կամ ինչ մարզագույքով է մարզվում (օղակ, գդակ, թենիս, պարան և այլն) ու պատմի այդ մասին:
Բնագիտական — կարող եք ծաղիկները ջրել, մաքրել տերևի փոշին, սերմեր ցանել, ծաղիկ տնկել, փոքր թաղարից մեծ թաղար ծաղիկ տեղափոխել, կամ կարող եք շաքարավազ, քացախ, սոդա, կերակրի աղ և այլ նյութերով բնագիտական փորձեր անել:
Երգ-երաժշտություն
Ունկնդրման նյութեր
Բոլորիս տանն էլ կան առարկաներ, որոնցով կարելի է շրխկացնել, հարվածել, չխկխխկացնել: Դրանք կարող են լինել գդալներ, կաթսաների կափարիչներ, փայտիկներ և այլն: Եթե դրան գումարենք մեր ձեռքերը, որոնք ծափ են տալիս, մեր ոտքերը, որոնք դոփում են, մեր մատները, որոնք կարող են ճթթացնել, մեր լեզուն, որը կարող է կլթկլթացնել, ապա կարող ենք շրխկան համույթ կազմել տան մյուս անդամների հետ և մեր նվագակցությամբ ուղեկցել տրված երաժշտությանը:
Երեխաների առօրյան, օրվա գործունեությունը:
Կարող եք նկարահանել նաև առավոտյան ինչպես են երեխաները արթանանում, հանում գիշերանոցը, հագնվում, մարզվում, լվացվում, հավաքում անկողինը, նախաճաշում և այլն:
Խնդրում ենք ակտիվ եղեք:
Հարցերի դեպքում գրեք կամ զանգահարեք:
Սիրով սպասում ենք ընտանեկան հետաքրքիր ֆիլմերի:
Գոհար Սմբատյան
Լիլիթ Հովհաննիսյան
«Մխիթար Սեբաստացի» կրթահամալիր, Հիմնական դպրոց, 5 տարեկաններ 