Օրը՝ 29. 06.2016, ժամը՝ 11:30-12:30
Անցկացման վայրը — Հիմնական դպրոց-պարտեզ
Մասնակիցներ՝ 5-6 տարեկաններ
Նպատակ՝
Լողուսուցման կարողությունների ձևավորում
Խնդիրներ`
5 տարեկանների ինքնուրույնության զարգացում, կոփում, ջրում ճիշտ լողալու և շարժվելու կարողություն:
5 տարեկանները հանդես են գալու իրենց ամառային, լողափային լողազգեստներով, լողաթափերով, սրբիչներով, արևային ակնոցներով և գլխարկներով:
Ծրագրում
1.Լողափնյա բոդի արտ ցուցադրություն
2.Լողափնյա մարմնամարզություն
Կատարում ենք նախավարժանք, մկանները վարժեցնում ենք, մարմինը նախապատրաստում լողալուն:
3.Ջուր մտնելուց առաջ սովորողները ընդունում են ցնցուղ:
4.Լողափնյա երգեր —«Տիտոխիկ», «Արևների շարք», «Սոխ ու սխտոր», Խաղիկ -«Կլոր պար», ծափեր ջրի վրա, ջրի տակ, ջրի վերևում և այլն:
5.Լողափային խաղ-ներկայացում
Խաղ 1-Խումբը բաժանվում է 2 թիմի:Երկու թիմերին տրվում են ծակ բաժակներ,իսկ լողավազանից 3 մետր հեռավորության վրա դրվում են դույլեր:Սովորողները բաժակներով լողավազանից ջուր են վերցնում և վազքով տանում, լցնում դույլի մեջ :Որ թիմը դույլի մեջ ավելի շատ ջուր կհավաքի,այդ թիմն Էլ կստանա միավորներ:
Խաղ 2-Լողավազանի հատակին լցվում են բյուրեղյա գունավոր քարեր: Խումբը կրկին բաժանվում է 2 թիմի:Թիմերը պետք է նշված ժամանակում հավաքեն այդ քարերը:Ժամանակը ավարտվելուց հետո, որ թիմը ավելի շատ քարեր է հավաքել, ստանում է միավորներ:
Խաղ 3-Յուրաքանչյուր թիմից 4 հոգի կանգնում է լողավազանի մի եզրին: Նրանց դիմաց ՝ ջրի վրա փոքրիկ գնդակներ դնում:Թիմերից յուրաքանչյուրը հրահանգից հետո սկսում է փչել գնդակները : Որ թիմի գնդակը ավելի շուտ հասնի լողավազանի մյուս եզրին, նա ստանում է միավորներ:
6.Լողափնյա պղպջակախաղ
7.Տեխնոլոգիական աշխատանք — Արտ միջավայր. լողափի սեղանների ներկում:
Հյուրասիրություն -ծիրան, խնձոր, ադիբուդի
Հեղինակ՝ Սրբուհի Ներսիսյան և Գոհար Սմբատյան