Գնդակը փոխանցելով խաղացինք «Բարի լույս» խաղը: Երեխաները խաղը փոխելով շարունակեցին գնդակը փոխանցել և ասել իրենց անվան առաջին տառը: Խաղից հետո պատմեցի «Ծիտը» հեքիաթը: Հեքիաթը միասին հարցերի միջոցով հատված-հատված վերապատմեցինք: Հաշվեցինք հեքիաթի հերոսներին, ասեցին հերոսների անվան առաջին տառը, փորձեցին վանկատել:
Ինչ կլիներ եթե… ռոդարիական հնարքը հեքիաթի ընթացքը փոխեց և հնչեցին հետաքրքիր հարց ու պատասխան: Հեքիաթը շարունակեցինք հերոսներին կավով պատրաստելով: Ստացվեցին հետաքրքիր կերպարներ:
Լվացվելուց, խմբասենյակը կարգի բերելուց հետո խաղացին «Մածուն» անգլիական խաղ-բանաստեղծություն:
Ֆիլմի տեսքով ներկայացնում եմ կավով աշխատելու ընթացքը և խաղ-բանաստեղծությունը:
Մածունը
Մի օր մածուն տարա շուկա,
Օրը պարզ էր, արև,
Ինձ մոտեցավ մի պառավ կին,
Ասաց՝ բարև՛, բարև՛:
Ես ասացի՝ բարև՛, բարև՛,
Նա էլ ասաց՝ բարև՛,
Ես ասացի՝ բարև՛, բարև՛,
Նա էլ ասաց՝ բարև՛:
Թթվեց մածունն ամանի մեջ,
Կորավ լույս ու արև,
Բայց դեռ իրար ասում էինք՝
Բարև՛, բարև՛, բարև՛:
«Մխիթար Սեբաստացի» կրթահամալիր, Հիմնական դպրոց, 5 տարեկաններ 